FANDOM


(ex id arab شيعة ). I Schiyis prehpus ab id VIIIt secule credeihnt in id reiken ios kohlt Imamios mehldend it un sorte os Sensto Judcement. Pro i Schiyis, i sunnis sont illegitim ed massoul de id nehc os Hussayn, descendant ios prophet, ubgwohmt unte id 680 Karbala massacre. Antplehcend id dayi os necessar martyrium ed behndend id ad vertat ed justice, i schiyis hant antslohnct jaldi samkwe samghatend i muitabs. Hant it biht majoritar in Iran ed Aserbaydjan. Dehlgus se protege ud sunnis, wehsent bilhassa in ghyorwent au piern zones ed sont social-ye desvantagen. Schiya ghi hat un revolutionary dimension. Eti ab nizari ismayili schiyis buit gohnen in id XIIIt secule id terroriste secte im assassins contra id schiyi abbassi khalifat.

Iran skeipt un exception in id region ar dwodemimami schiya est ter Statsreligion pon id XVIt secule ed ar buit tun assocyen ei resistence contra ia interesses iom colonial stieures : id schiyi uber cler, quod hieb wardht in id Pars Empire bequadernd-ye id societat ed favorisend-ye pietat med i cheheloms do id Rauza os Imam Hussayn, hieb obliget in 1890 iom Schah os Pars ad oistrage ud iens Britisch id monopol uper tabak is hieb ibs ijapt. Dind, id schiyi cler hieb sagvto canalise i muitabs ios modernisation siyassa ducen ab ia politic autoritats. Dwodemimami schiyis wehse kathalika, bet ye minter organisen weidos, in Aserbaydjan, Irak, Lubnan, Tyrkia... Se enderkweitent besonters ud i ismayili schiyis qui recogneihnt tik sept imams (ed ne dwodem). Ipet jamiye divers factions bayna qua id secte im drousen dayn inter Lubnan, Suria, Jordania ed Israel. In tod land, sont i saul Arabs qui poitte integer Tsahal bi-sabab ir commun alliance kay katue contra iens Britisch in Palestine.

220px-ImamHusaynMosqueKarbalaIraqPre2006
Id Rauza os Imam Hussayn in Karbala, Irak, est oino iom Iser Stets os Schiya.


Id schiyi questionEdit

Id schiyi question in ia Arab stats prehpt in hol Mediorient : auter ta populations sont majoritar, i sunnis bungend id magh, kam in Bahrayn ed in id Amirato Dubay, we skeipent meis quem 20% ios population kam in Saudi Arabia, Tyrkia, Gatar, Afghanistan ed Pakistan. Api, i Schiyis trendent dekhschate ia sunni autoritats ob leit opsst-ye de un urban au rural proletariat localisen in ia naftzones. Ta social disparitats fodde id grov separend bo Islambranches qua eediweidneunt, pon ir origin, per iro respective mundvision : ies specialists ios sunni loy prefereer un despotic wanak ad disaurdhen menxu ies schiyi mentors kyunggiiew id sok po justice, po un ideal societat ed id infallibilitat ios kohlt imam quos reiken intizarnt.

Pon id 1979 Revolution, Iran - Stat majoritar-ye pars ed schiyi - skeipneut un importanto stehmen pro i schiyis om Mediorient ed Central Asia kwehndend ia sunni dictatorial regimes. Bet dehlgent face el-Kayda quod constituet un nov ziyan peind ed brunct ia millions dollaren gaissen in Saudi Arabia, besonters unte ia hagilics do Makka, Kuwayt, Gatar. Quantloc in id region, id presence om distinct populations ye un religieus au ethnic vidpoint eni ia Stats pussiret ta ad vole instrumentalise ia. Iran hieb ja pussiren i schiyis os Irak ad ubstahe unte id Gulf Weir in 1991 pos i Irakis hiebeer pamrlanishskwn id arab minoritat in Iran unte id weir ex 1981 do 1988. Tod conflict, neicus circa oino million leuden, hieb hassa dict od Irans Arabs accommodeer-se med un pars Islamic Jumhuriat. I Iraki schiyis, 15 millions ex 24 millions weikern, ne hieb chust id irani lagher. Ed, esdi pon id uperwaldhen os Saddam Hussayn (1937-2006), Iran extendneut sien fangh uper sieno nieber multipliend-ye investions, tod fangho kwehndt id grave economic irani crise ed ia politic-religieus faydhs. Med id influence om Tyrkia, Jordania ed Saudi Arabia, Irako ghehdiet it sprehnge do tri deils : sunni, schiyi ed kurd.