FANDOM


Dwo teutspotis ka aw orayo conceptionEdit

Oin area om mythologic ed ritual conceptions quer tod binarisme prehpt est in id reconstruct oraryo cred in dwo mythologic roys quoy eent teutsdehtors. Tod cred est dar visible in id swohd trohft in plur awa hindeuropay teuts quer eent comyazgen dwo roys au teutions.

Id naven catalogos in Homers Iliado daftart uno numer om comxitions au comteutions. Serter, un swohdos comteutionia est schahidet in Spartas gouvernement. Est id Anglo-Saxon legend iom dwo wanaks Hengist ed Horsa quoy duxeer id pagos do Britain.

220px-Verstegan
XVIIt secule Englisch kip om Horsa ed Hengest, quom nams mayne "ekwum" ed "aygur".


Id oraryo dwinencultEdit

Alyo manifestation ios binar conception ios societat ed ios mund est id dwinencult spohrn in Hindeuropay mythologia. Uno mythos om divin dwins quoy sont Swelyios purts tarikhet tsay do oraryum Antiquitat. Tod mythos est trohven in vasya magn aw orarya traditions, qua ne tik repeteihnt ia sama motifs, sontern yaschi smyehrnt correspondences in ia nams iom heroys. Ies dwins sont kalti "divspurts" au "swelyiospurts". Id supreme divtat im oraryen, quos purts sont ies divin dwins, est gnohn ka is "Dieuspater", oraryo : *dyeus-pH2ter.

In id oraryo mythos, Dieuspaters purts kaurnt de ir swester, Swelyios dugter, Dugter Deiwios. Diversa traditions eti smyehrnt ia motifs iom dwins reidend ep "swelyios ekwens" ed in uno nav ep id mar. In Hindi traditions, ies divin dwins sont kalen aśvinau (= "ekwins") ob iro ritual connexion con ekwens.

300px-Dioskouroi Met L 2008 18 1-2 n03
IIIt secule roman statuettes om Castor ed Pollux

Id oraryo mythos ios dwinen incestEdit

Incest inter i dwins tyehct in different variants ios mythos : i dwins sont brater ed swester qui seule menscgenos. To est clarst in id Hindirani mythos os Yama, ios prest mensc, ed eysu swester Yami, qua peit persuade iom ad committe incest. Id Hindi nam "Yama" tarikhet tsay do id oraryo nam pro "yem" = *yemo-.