FANDOM


Bhutan (Dzongkha: འབྲུག་ཡུལ) est un aunkhayghian land ios Hindi Subcontinent ye euster bors ios Himalaya. Est lizden nordi ab China, ed sudi, eusti ed westi af Hind. Westi, est separen ud Nepal ab id Hindi Stat Sikkim, menxu, suder, est separen ud Bangladesh ab ia Hindi Stats Assam ed West Bangla. Id nagor ed mierst urb os Bhutan est Thimpu.

Id statsreligion os Bhutan est Vajrayana Buddha-dharma ed id population, quod eet vohrt in 2015 do 700 000 weikers, est majoritar-ye Buddha-dharmin. Id national bahsa est Dzongkha, oino iom 53 bahsas ios Tupeudic linguistic familia. Bhutans rawaj est id ngultrum, quos wirt est bohndt tei ios Hindi Rupia, quodschi est legal payghzariya in id land.

Bt-map
Bhutan hat esen diu un absolut monarchia gwivend in autarkia, id land esend tun clus im gospotis. Pon 1974, id lando gegnohsit un long politic ghyanen riawdalst in 2008 med id introduction ios universal suffrage ed id cession om maghs ei bicameral Parlament. Id land hat seschi ghyant im gospotis eni id quader om touristic ratibcircuits, sub reserve ios payghen om meg alt mukamtaxes.