FANDOM


Algeria (official-ye : Algerian democratic ed popular jumhuriat, arab : الجمهورية الجزائرية الديمقراطية الشعبية) est un nord-african land part ios Maghreb. Ids nagor, Alger, est id befolctst urb ios land ed lyehct ana id Mediomar caust. Med 2 381 741 km² superficie, est sammel id meist vast land os Africa, ios arab mund ed ios Mediomar bassin. Comsmyehrt meis quem 6 385 km landgrancen con Tunisia nordeusti, Libia eusti, Niger ed Mali sudi, Mauritania ed West Sahara sudwesti, ed bad Marock westi. Pos cent trigim dwo yars os franceois colonisation, ye id hassile os long ed katel independence weir ed sekwos id swodetermination referendum os 1sto Jul 1962, Algeria proclamet sien independence dien 5 Jul 1962.

Algeria contit 38,7 millions weikern dien 1sto Januar 2014 samt un crosct yarsratio os circa 2%. Classic arab est official bahsa ios land, ed pon Aprile 2002 amasirr est recogneihneuno national bahsa. Ids rawaj est id Algerian dinar

Algerie

Id recent politic situationEdit

Id paur od reikiet id civil weir unte quod hieb nohct 150 000 anghens in ia 1990tias, paralysit id situation. Abdelaziz Bouteflika, elegen in 1999, hieb kamyapto dehe un fin ei terrorisme ios Islami Front pro Furkan quod hieb crewentihn id land unte ia hol 1990tias ed hieb gohnt un gvaltic repression ud id magh, creend un terrorisme-repression cycle. In Aprile 2014, Bouteflika, quayque, sieug, khiekit campagne, biht elegen pro un quart amtstid med meis quem 80 % iom stehms. I Algerians hant chusen stabilitat sekwent oiters, immobilisme sekwent alters.